Llwyddiant yr Eisteddfod

Wel, am wythnos! Er gwaethaf holl ddarogan glaw ar ddechrau’r wythnos mae’r haul wedi tywynnu ar Lanelli ac ar ail Eisteddfod sydd wedi ei chynnal yn y dref ers 2000. A’r barn yn gyffredin – eisteddfod ardderchog wrth gwrs.

Hoffwn i ddiolch i bawb a gyfrannodd (yn llythrennol bawb) boed yn gynghorwyr sir, tref, y maer, gwirfoddolwyr ac yn y blaen, roedd gan bawb rôl i chwarae ac fe gymerodd eu dyletswyddau o ddifri.

Roedd hi’n wych i weld cymaint o bobl yn cerdded o amgylch y Maes yn gwenu o glust i glust. Mae’r Eisteddfod yn rhoi cyfle i ni ddathlu ein hunaniaeth genedlaethol a’n diwylliant. Yr hyn sy’n galonogol (fel dysgwr fy hun) oedd clywed cymaint o bobl ddi-Gymraeg ar y Maes yn ysu dysgu’r iaith. 

Os am gadw’r iaith, sef ein prif drysor fel cenedl rhaid i ni sicrhau fod pobl yn fodlon rhoi cynnig arni a pheidio ofni gwneud gwallau o bryd i’w gilydd. Wedi’r cyfan, does NEB yn berffaith.

Carfan Llanelli - yn fy ysbrydoli! Diolch i bawb!

Felly, diolch o galon unwaith yn rhagor i BAWB a sicrhaodd roedd yr Eisteddfod yn llwyddiant. Ar lefel personol roedd hi’n bleser cwrdd a chymaint o bobl ag oedd yn rhanni ein gweledigaeth dros greu Cymru newydd a Chymru well.

Diolch!